Charles III u kurorëzua si mbret i Mbretërisë së Bashkuar
Charles III është kurorëzuar të shtunën si mbret i Mbretërisë së Bashkuar, përmes një ceremonie solemne, që daton tash e mijëra vjet.
Në të njëjtën ceremoni, gruaja e tij Camilla është shpallur mbretëreshë.
Kurora e Shën Eduardit – një simbol i artë i monarkisë është vendosur në kokën e Charles III, për vetëm pak minuta, nën thirrjet “Zot, ruaje mbretin”.
Himnet janë kënduar në kishën Westminster Abbey të Londrës, bashkë me të shtëna armësh dhe fishekzjarre tjera, për të shënuar kurorëzimin e parë të një monarku britanik prej vitit 1953.
Zilet janë dëgjuar nëpër të gjitha kishat e Britanisë, kur ka nisur ceremonia.
Mbreti Charles dhe gruaja e tij Camilla, do të kthehen, pas ceremonisë, në Pallatin Buckingham, për të parakaluar para turmave të mëdha të njerëzve.
Ky kurorëzim i pari i një burri, prej vitit 1937 përbën vetëm ceremoninë e dytë të tillë, që transmetohet në një televizion me ngjyra, shkruan Rel. Charles, 74-vjeçar e ka marrë titullin e mbretit, pas vdekjes së nënës së tij, Mbretëreshës Elizabeta II, në shtator të vitit të kaluar. Ajo ka shërbyer shtatë dekada si mbretëreshë.
