Çështja e presidentit, Kurti: Është urgjente por me rëndësi të kemi sukses
Lajme
Lexohet për: 2 min.
Dëgjoje me zë...
Çështja e presidentit, Kurti: Është urgjente por me rëndësi të kemi sukses
Kryeministri Albin Kurti tha se do të dërgojë ftesa për liderët e partive opozitare për të diskutuar për postin e presidentit. Se çfarë kërkesash e ofertash do të ketë në këto takime, ai tha se duhet të pritet që të organizohen. Kurti po ashtu tha se kjo çështja është me urgjencë por më e rëndësishme është që të ketë sukses.
Kështu u deklaroi ai pas mbledhjes së qeverisë, ku theksoi se kanë synim që të arrijnë prezencën e mbi 80 deputetëve.
Shefi i ekzekutivit tha se çështja e postit të presidentit është urgjente, por sipas tij “është e rëndësishme që të kemi sukses”.
Por kush do të jenë kandidatët e propozuar nga Lëvizja Vetëvendosje për postin e presidentit, Kurti deklaroi sërish se i nevojiten konsultimet e brendshme.
“Emrin e zëvendëskryeministrit Glauk Konjufcës, ne e kemi dhënë më pak se 30 orë para mesnatës ndërmjet 5 dhe 6 marsit. Emrin e Fatmire Mulhaxha Kollçakut e kemi dhënë më pak se tre orë para mesnatës, kemi pritur deri në momentet e fundit dhe nuk kemi hequr dorë nga një mundësi për marrëveshje me opozitën. Tash mua më nevojiten konsultimet e brendshme se çfarë duhet të bëjmë. Në njërën anë i kemi parasysh interesat politike, në anën tjetër janë edhe kufizimet juridike ligjore. Duhet të shohim se çka është e mundur të bëjmë për të ecur përpara. Kjo do të shihet pjesërisht në konsultimet e brendshme sot e nesër”, deklaroi Kurti.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
