Presidenti i UEFA-s, Aleksander Ceferin ka hedhur sërish kritikat ndaj idesë së Superligës duke i krahasuar mbështetësit e saj me ujkun në tregimin “Kësulëkuqja”.

Real Madridi, Barcelona dhe Juventusi vazhdojnë të shtyjnë për krijimin Superligës Evropiane të klubeve, e cila fillimisht u formua nga 12 klube dhe pastaj u zhbë në prill të vitit 2021 pas protestave të tifozëve .

Ceferin sulmoi vlerësimin e tyre në kongresin e UEFA-s në Lisbonë, duke pretenduar se ata që qëndrojnë pas Superligës po maskohen si shpëtimtarë të futbollit, por në vend të kësaj janë fajtorë, egoistë dhe lakmitarë, përcjellë KosovaPress.

“Ata që promovojnë këtë projekt tani po pretendojnë se duan të shpëtojnë futbollin. Në hapësirën e disa muajve, Superliga është kthyer në një personazh te tregimit “Kësulëkuqja”: një ujk i maskuar si gjyshe, gati të të hajë”, tha Ceferin, sipas “Marca”.

“Por askush nuk është mashtruar, sepse këtu kemi dy pikëpamje të kundërta të botës. Kemi cinizëm mbi moralin. Ne kemi egoizëm mbi solidaritetin. Ne kemi lakmi mbi dashamirësinë. Gënjeshtra të turpshme mbi të vërtetën.”, theksoi ai.

Ceferin i rizgjodh në krye të UEFA edhe për një mandat të ri që zgjat deri në vitin 2027.