Legjenda braziliane e futbollit, Cafu thotë se Premier Liga është ndër faktorët kryesorë që Brazili ka pak shanse për ta fituar Kupën e Botës.

Cafu tha se lojtarëve në Premier Ligë iu shpërlahet truri nga mediat, ndërsa preferon La Ligan sepse aty është mentaliteti për të fituar finale, raporton KosovaPress.

“Kam frikë, sa më shumë që brazilianët të kalojnë në Premier Ligë, aq më pak shanse për Brazilin për të fituar Kupën e Botës. Imagjinoni që mediat çdo javë t'ju shpërlajnë trurin se jeni më i miri në botë, ndërkohë që nuk jeni pranë më të mirëve. Unë preferoj La Ligan sepse ata kanë një mentalitet të lartë për të arritur në finale dhe për t'i fituar ato. Në La Liga, ata nuk e kanë gojën para kamerave televizive duke thënë gënjeshtra për lojtarët spanjollë apo duke i çuar ata në qiell. Ata flasin futboll atje, jo mit”, tha Cafu.