Bullgaria hap parkun e saj më të madh diellor afër Dupnitsa
Lexohet për: 2 min.
BTA - Verila (002)
1 vit më parë
Linku u kopjua

Termocentrali më i madh diellor i ndërtuar deri më tani në Bullgari, Verila Solar Park (123 megavat), është funskionalizuar zyrtarisht të enjten. Nëpërmjet saj, Electrohold Trade do të furnizojë telekomin Yettel dhe kompaninë e pajisjeve të telekomit CETIN me energji të gjelbër për 10 vitet e ardhshme, pasi të dyja palët nënshkruan një marrëveshje për blerjen e energjisë.

Kjo është kontrata më e madhe e korporatës në Bullgari deri më sot. Ajo do të sigurojë 80% të konsumit total të dy kompanive, ka thënë zyra e shtypit e kompanisë.

Ky park dhe projekte të ngjashme janë hapi që do ta çojë sektorin e energjisë drejt një gjenerimi më modern dhe më të pastër, kanë thënë zyrtarët gjatë hapjes.

Ata kanë theksuar se Verila është një objekt unik dhe është i vetmi i përmasave të saj në Bullgari.

Objekti do të përdorë rreth 222,000 panele fotovoltaike dhe zë mbi 130 hektarë. Në ditët me diell, ai mund të furnizojë me energji zona si Kyustendil dhe Blagoevgrad.

Investimi në Parkun Solar Verila është pak më shumë se 200 milionë BGN, i siguruar me fonde të veta dhe financim nga DSK Bank dhe Varengold Bank, kanë thënë nga kompania.

Kapaciteti i instaluar i parkut fotovoltaik përfaqëson 7% të kapacitetit total të ndërtuar deri më tani në këtë segment në vend. Aktualisht në vend janë instaluar rreth 1700-1800 megavat kapacitet fotovoltaik.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025