Mesfushori i Fiorentinës, Edoardo Bove ka folur publikisht për herë të parë që kur u dërgua në spital pas një urgjence mjekësore gjatë ndeshjes së Serie A ndërmjet “La Viola” dhe Interit në fillim të muajit dhjetor.

Pak më shumë se dy javë pas kolapsit shqetësues të 22-vjeçarit në fushë në minutën e 17-të të ndeshjes Fiorentina-Inter, Bove ka shkruar se mezi pret tën kthehet në fushë në një postim të gjatë në “Instagram” të publikuar të hënën.

Bove u lirua nga spitali të premten pasi kishte të vendosur një pajisje të brendshme defibrilator të vendosur të mërkurën. Ai kishte kaluar pak më shumë se 10 ditë në spitalin Careggi në Firence, ku u dërgua direkt nga “Stadio Artemio Franchi”.

Në një postim të publikuar të hënën, Bove shkroi se "Unë jam mirë dhe kjo është gjëja më e rëndësishme dhe gjithashtu ka premtuar: "Shihemi së shpejti, në fushë".

“Përshëndetje të gjithëve, kam pasur rastin të mendoj shumë për këto ditë të vështira. Ndërsa ndarja në rrjetet sociale nuk është në natyrën time, doja të ndaja mendimet e mia pas diçkaje që më goditi thellë. Ngjarja e pakëndshme që ndodhi në ndeshjen Fiorentina-Inter më ka treguar më shumë se kurrë se futbolli është shumë më tepër se një lojë, kampionat apo karrierë.  Futbolli është një komunitet, i lidhur nga njerëz me të njëjtin pasion, të cilët bashkohen në momente gëzimi, zemërimi, zhgënjimi dhe vuajtjeje. Pikërisht në këto momente kuptoj se sa i vërtetë është sporti, përtej rezultateve, konkurrencës apo rivalitetit. Të gjithë jemi të bashkuar.  Po flas për këtë sepse e kam përjetuar nga dora e parë gjatë ditëve të fundit. Për këtë arsye, dëshiroj që të gjithë të angazhohemi të kujtojmë thelbin e vërtetë të sportit tonë, të mos e lëmë veten në hije nga ana e tij tregtare dhe të mos lejojmë që fryma e tij autentike të merret si e mirëqenë. Sepse pavarësisht gjithçkaje, ajo që ndodhi të dielën është dëshmi e pjesës së vërtetë të futbollit: Ai që ushqehet me emocione të vërteta, histori personale dhe një lidhje të fortë mes atyre që luajnë dhe atyre që mbështesin. Duke thënë këtë, unë jam vërtet mirënjohës që i përkas kësaj bote dhe ju falënderoj nga zemra për dashurinë që më keni treguar. Jam mirë dhe kjo është gjëja më e rëndësishme. Shihemi së shpejti, në fushë!”, ka shkruar Bove.