Bossi i UEFA-s flet për VAR-in: As unë nuk e kuptoj më se çfarë po ndodh
Tjera
Lexohet për: 2 min.
Dëgjoje me zë...
Bossi i UEFA-s flet për VAR-in: As unë nuk e kuptoj më se çfarë po ndodh
Presidenti i UEFA-s, Aleksander Ceferin, ka lëshuar kritika të ashpra ndaj sistemit VAR dhe paqartësive që ai po krijon në futbollin modern.
Gjatë konferencës "The Forum" në Madrid, kreu i futbollit evropian pranoi se interpretimet e ndryshme të rregullave, sidomos ato për prekjen e topit me dorë, kanë krijuar një konfuzion total si te tifozët, ashtu edhe te drejtuesit.
“As unë nuk e kuptoj më vetë,” deklaroi slloveni, duke shtuar me ironi:
“Askush nuk e kupton. Është penallti apo jo? Është e qëllimshme apo jo? Si supozohet ta dini këtë – në fund të fundit, nuk jeni psikiatër!”
Ceferin u ndal veçanërisht te vonesat e gjata që shkaktohen në kampionate si La Liga dhe Premier League, ku ndeshjet ndërpriten deri në 15 minuta për një rishikim. Ai theksoi se teknologjia duhet të ndërhyjë vetëm në raste të gabimeve të qarta dhe të dukshme, duke insistuar që fjala e fundit t’i mbetet gjithmonë arbitrit në fushë. “VAR duhet të ndërhyjë vetëm në raste të gabimeve të qarta dhe evidente,” u shpreh 58-vjeçari, duke bërë thirrje për një zbatim më konsistent të rregullave të IFAB-it për të minimizuar kaosin aktual në fushën e lojës.
