Shefi i Bashkimit Evropian për Politikë të Jashtme, Josep Borrell ka theksuar se në takimet që i ka pasur të enjten me kryeministrin e Kosovës, Albin Kurti dhe presidentin e Serbisë, Aleksandër Vuçiqin, janë pajtuar se duhet të ketë zgjedhje të reja në katër komunat veriore të Kosovës.

Borell ka thënë se takimi i sotëm nuk u fokusua në shumë çka, por në atë se si dhe kur - si të qetësohet situata në terren, si të organizohen zgjedhje të reja dhe si të kthehen në dialog dhe të zbatojnë të gjitha detyrimet e dialogut.

https://kosovapress.com/admin/borrell-per-takimin-me-kurtin-synojme-te-gjejme-zgjidhje-per-de-eskalim-te-menjehershem/

Përfaqësuesi i lartë i BE-së, Borrell dhe Mirosllav Lajçak, kanë zhvilluar një seri takimesh për menaxhimin e krizave, fillimisht me kryeministrin e Kosovës, Albin Kurti dhe më vonë me presidentin e Serbisë, Aleksandar Vuçiq.

Ndërsa, sot nuk është zhvilluar asnjë takim i përbashkët mes Kurtit dhe Vuçiqit.

Në lidhje me arrestimet e disa serbëve në Kosovë pas protestave të fundit në veri, Borell ka thënë se nuk mund të ketë mosndëshkim për autorët e dhunës.

Ndërkaq, ai në konferencën për media tha se i ka kërkuar Vuçiqit se tre policët e Kosovës që po mbahen në paraburgim në Serbi duhet të lirohen menjëherë dhe pa kushte.

https://kosovapress.com/admin/shba-kerkon-lirimin-pa-kushte-te-tre-pjesetareve-te-policise-se-kosoves/

Tre zyrtarët policorë të Kosovës janë arrestuar nga forcat serbe brenda territorit të Kosovës më 14 qershor.

https://kosovapress.com/admin/%E2%80%8Bsvecla-konfirmon-kidnapimin-nderkombetaret-ti-bejne-presion-serbise-te-liroje-policet/

https://kosovapress.com/admin/vuciq-nuk-kemi-udherrefyes-per-zgjidhjen-e-krizes-ne-veri-te-kosoves/