Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi para takimit në Varshavë në nivel të ministrave për çështje evropiane, organizuar nga Presidenca e Polonisë e Këshillit të BE-së, ka thënë se gjatë zgjedhjeve përjetuam drejtpërdrejt kërcënim të sigurisë sa i përket sulmeve në faqen e internetit të Komisionit Qendror të Zgjedhjeve.
Ai ka shkruar në Facebook se bashkë me homologë nga rajoni dhe Evropa, ku temë diskutimi në tryezë do të jetë kërcënimet e sulmeve hibride ndaj procesit të zgjerimit të BE-së dhe përballimi në mënyrë të përbashkët i sfidave që paraqiten.
Me ftesë nga Ministri për Çështje të Bashkimit Evropian të Polonisë, Adam Szłapka, Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, po qëndron në Varshavës, ku do të marrë pjesë bashkë me homologë në takimet dhe diskutimet të organizuara në kuadër të "Takimeve Informale të Ministrave për Çështje të Bashkimit Evropian".
Në margjina të kësaj ngjarjeje dy ditore të organizuar nga Presidenca polake e Këshillit të BE-së, zëvendëskryeministri Bislimi do të ketë edhe një sërë takimesh bilaterale me shtete aleate, mike e partnere.
