Zëvendëskryeministri për Integrime Evropiane dhe dialog, Besnik Bislimi, ka thënë se masat ndëshkuese të Bashkimit Evropian i kanë bërë dëme Kosovës, mirëpo theksoi se ia ka vlejtur moslëshimi pe për shkak të shtimit të sovranitetit në veri. Ai tha se ka pasur tendencë nga shtetet anëtare të BE-së për koncesione shtesë ndaj Kosovës për largimin e masave ndëshkuese, mirëpo siç tha qeveria s’ka pranuar të shantazhohet.

Bislimi gjatë raportimit në Komisionin për Integrime Evropiane të mërkurën tha se masat ndëshkuese të Bashkimit Evropian duhet të hiqen sa më shpejtë, mirëpo shtoi se nuk dëshiron të spekulojë nëse do të ndodh ajo në mbledhjen e sotme të Komitetit Politik dhe të Sigurisë (PSC), pavarësisht rekomandimit pozitiv për heqjen e masave të përfaqësuesit të lartë të BE-së, Josep Borrell.

Bislimi tha se pavarësisht vendosjes së masave ia ka vlejtur insistimi i qeverisë për vendosjen e rendit, ligjit dhe sovranitetit në veri.

Sipas tij, Kosova ka paguar çmimin për masa, mirëpo janë paguar të njëjtat pasi terroristi Milan Radojiçiq tashmë është në arrati dhe e gjithë Evropa e konsideron kriminal.

Atij i reagoi kryetarja e komisionit, deputetja e LDK-së, Rrezarta Krasniqi, e cila akuzoi Bislimin se mazhoranca është marrë vesh me Radojiçiqin.

Llogari dhe përgjegjësi për bisedën më Radojiçiq të shefes së grupit parlamentar të LVV-së, Mimoza Kusari-Lila kërkoi edhe deputetja e PDK-së, Blerta Deliu.

Ajo shtoi se Kosovës i është bërë dëm i madh nga masat ndëshkuese të Bashkimit Evropian.

Ndërkaq, deputetja  e AAK-së, Time Kadrija, tha se shpreson që nuk do t’i kërkohet ndonjë koncesion shtesë Kosovës për heqjen e masave.

Zëvendëskryeministri Bislimi tha se ka pasur kërkesa jo nga Brukseli zyrtar që kanë kërkuar koncesione shtesë, mirëpo sipas tij Kosova s’ka pranuar të shantazhohet në këtë drejtim.

Lajmi i plotë në sistemin me parapagim...