Presidenti aktual i SHBA-së, Joe Biden, iu drejtua për herë të parë publikut amerikan pas fitores së kandidatit republikan Donald Trump në zgjedhjet presidenciale të 5 nëntorit.

Ai tha se ka biseduar dje me Trump, duke e uruar atë për fitoren dhe se administrata e tij do të merr pjesë në transferimin paqësor të pushtetit.

“Kam folur gjithashtu me zëvendëspresidenten Harris, e cila drejtoi një fushatë fuqizuese. Ajo ka një karakter të ndershëm dhe vendos gjithë zemrën e saj në ekip. Lufta për Amerikën ka qenë gjithmonë një debat i vazhdueshëm siç është sot. E di që kjo është një kohë fitoreje për disa dhe një kohë humbjeje për të tjerët”, tha Biden.

“Fushatat janë një garë, dy vizione konkurrojnë dhe ne e pranojmë atë që zgjodhi populli. Nuk mund ta duash vendin tënd vetëm kur ai fiton, nuk mund ta duash fqinjin tënd vetëm kur je dakord me të, nuk ka rëndësi për kë keni votuar, ne nuk mund ta shohim njëri-tjetrin si armiq, duhet të shkojmë mirë. Sistemi zgjedhor është kompleks dhe transparent dhe duhet respektuar”, theksoi ai.

“Të gjithë biem ndonjëherë, por është e rëndësishme të ngrihemi. Humbja nuk do të thotë se jemi të mundur, e kemi humbur këtë betejë, por Amerika e ëndrrave tuaja po ju thërret të ngriheni në këmbë. Ne duhet të vazhdojmë dhe duhet të mbajmë besimin”, përfundoi Biden.