Presidenti i Shqipërisë, Bajram Begaj ka dhënë mesazh për zgjedhjet lokale të 14 majit.

Ai u është drejtuar dje qytetarëve, duke u thënë se zgjedhjet lokale u japin mundësinë për të përmirësuar hapësirën e tyre të jetesës. 

“Ndaj ju lutem hidheni votën tuaj me përgjegjësi, pa e anashkaluar këtë moment shumë të rëndësishëm për qytetet e komunitetet tona. Votoni e sigurohuni që do të dëgjoheni nesër e në ditët në vijim!”, ka thënë Begaj.

Ai u ka rikujtuar të gjithë drejtuesve të institucioneve të ngarkuara nga ligji për mbarëvajtjen e zgjedhjeve, përgjegjësinë e tyre të të qenit vendimtarë në mbrojtjen e votës dhe në konsolidimin e mëtejshëm të demokracisë.

Zgjedhjet lokale në Shqipëri do të mbahen nesër (e diel) më 14 maj. Komisioni Qendror i Zgjedhjeve (KQZ) do të vëzhgojë këto zgjedhje. Një delegacion i KQZ-së së Kosovës, në përbërje të të cilit do të jenë anëtarët e këtij institucioni dhe një staf nga sekretariati, do të shohin nga afër implementimin e teknologjisë në procesin zgjedhor në Shqipëri, veçmas identifikimin dhe votimin elektronik në tri bashki. KQZ-ja ka vëzhguar zgjedhjet në Shqipëri edhe në të kaluarën./KosovaPress