Sonte me fillim nga ora 21:00 stadiumi “BayArena” do të jetë nikoqir i ndeshjes së kthimit të gjysmëfinales së Ligës së Evropës mes Bayer Leverkusenit dhe AS Romës.

Ndeshja e parë që u zhvillua në “Stadio Olimpico” përfundoi me rezultat 2:0 në favor të Bayer Leverkusenit, raporton KosovaPress.

Bayer Leverkuseni do të synojë fitoren sot që ta vazhdojë sezonin pa humbje dhe të sigurojë biletën drejt finales, ndërkaq Roma do të kërkojë mrekullinë dhe ta përmbysë epërsinë e kampionit gjerman sot.

Sa i përket ndeshjes së sotme, të dy skuadrat do të kenë të gjithë lojtarët e gatshëm. Formacionet zyrtare janë publikuar dhe ato i gjeni më poshtë.

Bayer Leverkusen (3-4-2-1): Kovar; Tapsoba, Tah, Hincapie; Frimpong, Xhaka, Palacios, Grimaldo; Adli, Hofmann; Hlozek

Roma (4-3-3): Svilar; Angelino, N’Dicka, Spinazzola, Mancini; Cristante, Paredes, Pellegrini; El Shaarawy, Lukaku, Azmoun