Barcelona kundër Espanyolit, ja formacionet zyrtare
Sot me fillim nga ora 14:00 do të zhvillohet ndeshja tejet interesante mes Barcelonës dhe skuadrës së Espanyolit, e vlefshme kjo për xhiron e 15 të La Ligas.
Të dy skuadrat nga Katalonia, do ta kenë synimin e vetëm që ta mbyllin vitin 2022, prandaj pritet që të zhvillohet një ndeshje tejet interesante, raporton KosovaPress.
Në xhiron e fundit të zhvilluar në kampionatin spanjoll, Barça e mposhti Osasunan me rezultat të ngushtë 2:1, kurse Espanyoli pësoi humbje nga Villarreali me shifrat 1:0.
Momentalisht, Barcelona zë vendin e dytë në tabelë me 37 pikë, një larg Real Madridit në vendin e parë që ka një ndeshje më shumë të zhvilluar. Në anën tjetër, Espanyoli renditet në vendin e 17 me 12 pikë të arkëtuara.
Sa i përket ndeshjes së sotme, Barcelona ka një skuadër të kompletuar dhe pa lëndime, kurse te Espanyoli mungojnë Gomez, Gori, Pedrosa dhe shqiptari, Keidi Bare.
Tanimë të dy trajnerët kanë vendosur se me cilët lojtarë do ta fillojnë ndeshjen e sotme, dhe formacionet zyrtare i gjeni më poshtë.
Barcelona (4-3-3): Ter Stegen; Alba, Alonso, Christensen, Roberto; Pedri, De Jong, Gavi; Fati, Lewandowski, Raphinha
Espanyol (5-3-2): Fernandez; Gil, Calero, Gomez, Cabrera, Olivan; Melamed, Vinicius Souza, Darder; Braithwaite, Joselu
