Mijëra ushtarë të Koresë së Veriut janë mbledhur në Kursk të Rusisë për të ndihmuar trupat ruse që të zmbrapsin një pushtim të befasishëm ukrainas të zonës, ndërkohë që SHBA ka paralajmëruar dërgimin e 212 automjeteve të fuqishme Strykers për forcat ukrainase.
Revista Forbes shkruan se paketa e ndihmës prej 425 milionë dollarësh, e shpallur nga Pentagoni të premten, përfshin bomba, raketa, predha artilerie dhe të paktën 212 Strykers me tetë rrota me shpejtësi të lartë, ndërkohë që trupat veri-koreane pritet t’iu bashkohen rusëve së shpejti në Kursk.
Shumica e Strykers në zotërim të ushtrisë ukrainase janë tashmë në Kursk, por nuk është e qartë se sa shpejt do të mbërrijnë në Ukrainë.
Pas humbjes së rreth 20 Strykers nga sulmet ruse, automjetet shtesë do ta çojnë numrin e tyre në arsenalin e Ukrainës në afro 400. Kievi i cakton këto automjete prej 18 tonësh, të cilat transportojnë 11 persona në brigadat e sulmit në ajër duke pajisur zakonisht tre një batalion prej 31 automjetesh në çdo brigadë.Stryker ka shpejtësi maksimale 100 kilometra në orë dhe është përshtatur me kombinimin e luftimeve kaotike urbane dhe sulmeve me shpejtësi të lartë, gjë që është tipike për luftimet në rajonin rus dhe ishte gjithashtu karakteristikë e betejës së vitit të kaluar Vovchansk në Ukrainën verilindore.
Në Vovchanksk, Brigada e 82-të Ajrore zbuloi atë që ushtria amerikane tashmë di për Stryker - përveç të qenit i shpejtë, ky automjet gati tri metra i gjatë bën një platformë të shkëlqyer vëzhgimi dhe qitjeje për sensorë dhe armë të montuara në çati.
