Austria e Turqia luftojnë për biletën e fundit të çerekfinales së Euro 2024, ja formacionet zyrtare
Sonte me fillim nga ora 21:00 do të zhvillohet ndeshja e fundit e raundit të 16-të të Kampionatit Evropian Euro 2024 mes Austrisë dhe Turqisë.
Përballja do të zhvillohet në stadiumin “Red Bull Arena” të Leipzigut, ku të dy kombëtaret do të “luftojnë” për biletën e fundit drejt çerekfinales së Euro 2024, raporton KosovaPress.
Takimi i fundit mes Austrisë dhe Turqisë daton në muajin mars të këtij viti, ku asokohe austriakët shkatërruan Turqinë 6:1.
Sa i përket ndeshjes së sotme, te Austria mungojnë Gernot Trauner dhe Patrick Wimmer, kurse te Turqia nuk do të paraqiten Samet Akaydin dhe Hakan Calhanoglu.
Tanimë formacionet zyrtare janë publikuar dhe ato i gjeni më poshtë.
Austria (4-2-3-1): Pentz; Mwene, Lienhart, Danso, Posch; Sabitzer, Seiwald; Schmid, Baumgartner, Laimer; Arnautovic
Turqia (4-2-3-1): Gunok; Muldur, Bardakci, Demiral, Kadioglu; Yuksek, Ayhan; Yilmaz, Kokcu, Yildiz; Arda Guler
