ATK për gjashtë muaj mblodhi 50 milionë euro më shumë të hyra se në periudhën e njëjtë të vitit të kaluar
Lexohet për: 1 min.
5 muaj më parë
Linku u kopjua
Administrata Tatimore e Kosovës(ATK) ka mbledhur 50 milionë euro më shumë të hyra në gjashtë muajt e parë të vitit 2024 sesa në periudhën e njëjtë të vitit të kaluar.
Drejtori i ATK-së, Ilir Murtezaj, në konferencë për medie të enjten tha se deri në qershor të hyrat e përgjithshme tatimore janë mbi 473 milionë euro, ndërsa kanë inkasuar 119 milionë euro borxh.
Ai theksoi se në bazë të kësaj janë tejkaluar objektivat që i kishin vënë në fillim të vitit.
Ai tha se kanë bërë përgatitjet e duhura që të përmbushet obligimi tatimor gjatë stinës së verës nga gastronomia dhe këngëtarët.
Tek këta të fundit, Murtezaj tha se vitin e kaluar ka pasur rritje të pagesës së obligimeve tatimore.
Krahas këtyre, Murtezaj tha se ATK-ja vazhdon të ushtrojë autoritet edhe në pjesën veriore të vendit, megjithëse bëri të ditur se ka vështirësi operative.
Rritjen e mbledhjes së të hyrave, Murtezaj e arsyetoi edhe me zhvillimin e mbi 14 mijë inspektimeve nga ana e ATK-së.
