Ministria e Financave ka njoftuar se kanë filluar vizitat në terren për Pilotimin e Reformës së Skemës së Asistencës Sociale.

MF thekson se nga dita e sotme kanë filluar vizitat në terren nga punonjësit e Qendrave për Punë Sociale tek familjet në komuna të ndryshme të Kosovës. 

“Familjet fillimisht do të kontaktohen nga zyrtarët e Qendrës për Punë Sociale për të aranzhuar vizitën. Nëse ju duhen sqarime shtesë lidhur me këtë proces, ju mund të kontaktoni qendrën e thirrjeve të krijuar për këtë qëllim në njërin nga numrat e mëposhtëm: +383 (0) 38 200 34289 +383 (0) 38 200 34287. Kujtojmë se nga Pilotimi i Skemës së Asistencës Sociale mund të përfitojnë familjet e varfra dhe ato në kushte të rënda ekonomike, si vazhdimësi e skemës së ndihmës sociale ekzistuese, me dallimin që hiqen kriteret diskriminuese. Aplikimi për Pilotimin e Skemës së Asistencës Sociale vazhdon të jetë i hapur. Për të aplikuar, duhet të vizitoni platformën eKosova, përkatësisht vegëzën: https://ekosova.rks-gov.net/”, thuhet në njofitm.