Arsenal-West Ham, formacionet e mundshme
Sonte me fillim nga ora 21:15 stadiumi “Emirates” do të jetë nikoqir i ndeshjes tejet interesante mes Arsenalit dhe West Hamit, e vlefshme kjo për xhiron e 19 të Premier Ligës.
Në xhiron e fundit të zhvilluar në kampionatin anglez, Arsenali barazoi 1:1 me Liverpoolin, kurse West Hami e mposhti 2:0 Manchester United, raporton KosovaPress.
Momentalisht, Arsenali renditet në vendin e dytë me 40 pikë, dy sosh larg vendit të parë që okupohet nga Liverpooli, ndërsa West Hami zë vendin e shtatë me 30 pikë të arkëtuara.
Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Arsenalin nuk do të paraqiten Havertz, Partey, Timber, Tomiyasu dhe Vieira, kurse te West Hami mungon vetëm Michail Antonion.
Formacionet e mundshme i gjeni më poshtë.
Arsenal (4-3-3): Raya; White, Saliba, Gabriel, Zinchenko; Odegaard, Jorginho, Rice; Saka, Jesus, Martinelli
West Ham (4-2-3-1): Areola; Coufal, Zouma, Aguerd, Emerson; Soucek, Alvarez; Kudus, Ward-Prowse, Paqueta; Bowen
