Policia e Kroacisë ka arrestuar sot ministrin e Shëndetësisë Vili Berosh, pas së cilës kryeministri Andrej Plenkoviq ka marrë vendim për shkarkimin e tij.

Prokurorët e BE-së njoftuan se kanë nisur një aksion kundër Berosh dhe shtatë personave të tjerë për organizim kriminal.

Ata gjithashtu deklaruan se Berosh ka marrë ryshfet. Sipas informacioneve jozyrtare, hetuesit besojnë se kreu i shoqatës kriminale ka qenë Hrvoje Petraç, ndërsa të dyshuar janë edhe djemtë e tij Novica dhe Nikolla.

Përveç ministrit, hetuesit kanë në shënjestër edhe disa mjekë të lartë. Po hetohet prokurimi i tepërt i pajisjeve për disa spitale. Është arrestuar edhe shefi i Klinikës për Neurokirurgji në Vinograd, Kreshimir Rotim, raportojnë mediat kroate.