Dy persona janë arrestuar në Ferizaj, nën dyshimin për posedim të paautorizuar të narkotikëve, substancave psikotrope dhe analoge.

Sipas Policisë, rasti ka ndodhur dje rreth orës 15:00, në rrugën “Brahim Ademi” në Ferizaj, ku janë arrestuar dy të dyshuar meshkuj kosovarë.

Gjatë kontrollit të dy automjeteve, policia ka gjetur dhe sekuestruar një veturë me targa vendore, dy telefona mobilë, rreth 215.4 gramë substancë të dyshuar narkotike të llojit marihuanë të ndarë në qese të vogla, 200 euro para të gatshme si dhe një peshore digjitale.

“Janë arrestuar dy të dyshuar meshkuj kosovarë nën dyshimin se kanë kryer veprën e lartcekur. Gjatë kontrollit të dy automjeteve janë gjetur dhe sekuestruar: një veturë me targa vendore, dy telefona, substancë narkotike e llojit marihuanë rreth 215.4 gramë të ndarë në qese të vogla, 200€ para të gatshme dhe një peshore digjitale”, thuhet në raportin 24 orësh të policisë së Kosovës.

Me vendim të prokurorit, të dyshuarit janë dërguar në mbajtje.

/Kosovapress/