Portieri i Kombëtares së Kosovës, Arijanet Muric, do të vazhdojë karrierën te Sassuolo, pasi klubi italian ka ushtruar të drejtën për ta blerë përfundimisht nga Ipswich Town. Lajmi është konfirmuar nga Sassuolo përmes një njoftimi zyrtar të publikuar të hënën.

Murici iu bashkua Sassuolos në verën e vitit 2025 në formë huazimi nga skuadra angleze dhe gjatë sezonit të kaluar ishte një nga portierët kryesorë të ekipit italian. Ai regjistroi 32 paraqitje në të gjitha garat, duke qëndruar në fushë për 2.880 minuta.

Për 27-vjeçarin, kjo është një tjetër etapë e rëndësishme në karrierën e tij, pas eksperiencave me klube si Manchester City, Burnley dhe Ipswich Town, ndërsa tani do të vazhdojë të mbrojë portën e Sassuolos si lojtar i klubit italian me kontratë të përhershme.