Antishqiptarit dhe antiamerikanit serb, radikalit Sheshel, i dhimbset Khamenei që u vra
Ballkani
Lexohet për: 2 min.
Dëgjoje me zë...
Antishqiptarit dhe antiamerikanit serb, radikalit Sheshel, i dhimbset Khamenei që u vra
Politikanit serb Vojislav Sheshel, i njohur për qëndrimet e tij të rrepta antikosovare, antishqiptare dhe antiamerikane, i është dhimbsur fort vdekja e liderit suprem të Iranit, Ajatollahut Ali Khamenei, më 28 shkurt, në Teheran.
Po ashtu, kryetari i Partisë Radikale në Beograd, u ka bërë thirrje qytetarëve të Republikës Islamike, që të qëndrojnë fuqishëm në atë që ai e ka quajtur “luftë për liri në momentet e vështira të agresionit barbar të Izraelit dhe SHBA-së”, raporton Danas.
Sheshelj ka bërë këto komente në një telegram ngushëllimi të cilin ia ka drejtuar sot ambasadës iraniane në Beograd lidhur me vrasjen e Khameneit, të cilën e ka quajtur veprim “monstruoz dhe frikacak”.
“Ali Khamenei ishte i palëkundur në mbrojtjen e vendosur dhe dinjitoze të interesave të popullit të tij, por edhe të të gjithë popujve të shtypur në rajonin e Lindjes së Mesme. Ajatollahu do të jetë për brezat që vijnë në vitet e ardhshme një frymëzim në luftën e shenjtë për ruajtjen e identitetit, në rezistencën ndaj amerikanizimit të shoqërisë dhe pranimit të dhunës dhe dekadencës shoqërore si normalitet”, thuhet në telegramin e Sheshelit.
