Ministri i Mjedisit, Planifikimit Hapësinor dhe Infrastrukturës, Liburn Aliu, ka deklaruar se s’ka informacion zyrtar se Prokuroria Speciale ka zgjeruar hetimet në lidhje me çështjen e ambalazhuesve të ujit.

Aliu pas mbledhjes së qeverisë të mërkurën ritheksoi se ai do të jetë në bashkëpunim të ligjit, derisa u shpreh më i rezervuar për të komentuar rolin e tij për rastin e ambalazhuesit e ujit.

Aliu ka folur edhe për sistemin e rimbursimit të shisheve të plastikës, për çfarë tha se është hapur thirrja për administrator, mirëpo nuk ka dhënë ndonjë datë se kur pritet të përfundojë i gjithë procesi. Ndonëse ka theksuar se si proces nuk është i lehtë.

Ndërkaq, sa i përket veturave elektrike, Aliu tha se në këtë politikë synojnë që në vend të ketë sistem të organizuar mirë të mbushësve elektrik, të cilët sipas tij, do të jenë me solar.

Në anën tjetër sa i përket autostradës së Gjilanit dhe rrugën për Gjakovë, Aliu ka thënë se janë projekte me probleme, porse, ka thënë se ka progres të madh në këtë drejtim.

Ndërsa i pyetur për Kartonin e Gjelbër, ministri Aliu tha se nuk ka informacione se ku ka arrit kjo çështje, porse është zotuar se do të jap këtë informacion pasi të informohet saktë.

Lajmi i plotë në sistemin me parapagim...