Aksion policor në Podujevë, arrestohet një person, konfiskohen armë e municione
Lexohet për: 1 min.
1 vit më parë
Linku u kopjua
Policia e Kosovës ka realizuar sot një aksion në një fshat të Podujevës, ku është arrestuar një person dhe janë sekuestruar armë e municione.
Sipas Policisë, i arrestuari dyshohet për “trafikim me armë”.
“Gjatë këtij operacioni policor është kontrolluar një shtëpi banimi dhe janë sekuestruar provat/dëshmitë materiale si në vijim: Dy (2) armë të shkurta (revole), një (1) armë e gjatë (ajrore), njëzet e pesë (25) fishekë, dhjetë (10) krehër të karikatorit (për armë të gjata), një (1) kuti e mbushur me barut dhe një sasi e predhave sferike për fishekë të gjuetisë, pajisje për shtypjen (gravim) të shkronjave dhe numrave në armë (metal).”, ka bërë të ditur Policia.
Me vendim të prokurorit, pas intervistimit personi i dyshuar është ndaluar në mbajtje për 48 orë për proceduar të mëtejme ligjore./KosovaPress
