Ahmeti: Barazia na solli stabilitet, Maqedonia shtëpi e përbashkët
Ali Ahmeti në fjalën e tij nga foltorja e Kuvendit tha se kjo është një ditë historike për të gjithë shqiptarët.
Ai bëri edhe një kundër replikë me Antonio Milloshovskin për komunën e Kërçovës, duke i thënë se kurrë më në harmoni shqiptarët dhe maqedonasit nuk kanë jetuar.
Ai gjithashtu i reagoi dhe e pyeti edhe Pavle Trajnov se kur ka qenë më mirë tani që jemi të barabartë apo para 20-30 viteve kur shqiptarët janë persekutuar.
“Nuk është e vërtetë që ju jeni qiraxhi, por është një e vërtetë që Marrëveshja e Ohrit, i dha të drejtë Talat Xhaferit të jetë zot në shtëpinë e tij. Kjo marrëveshje nuk u ndryshoi vetëm shqiptarëve gjendjen, por me këtë marrëveshje fituan të gjithë që jetojnë në Maqedoni, si turqit, romët, serbët, etj.,” tha ai.
Ahmeti tha se lufta e ftohtë ka mbaruar dhe tani është një luftë shurdhe, një luftë me armë bërthamore, duke shtuar se Moska ka shkelë mbi dinjitetin dhe sovranitetin e Ukrainës, andaj duhet të jemi të kujdesshëm se çfarë politikash do të drejtojmë.
“A do të mbetemi peng i atyre ideve që kokën në Moskë, e trupin në Evropë. Prandaj pa dallimi përkatësia duhet të themi jo Rusisë, po Evropës”, tha ai./Alsat.mk
