Afaristi i suksesshëm Egzon Kelmendi ka aderuar në Aleancën për Ardhmërinë e Kosovës (AAK), ku do të jetë në garë si deputet për zgjedhjet e ardhshme parlamentare më 9 shkurt 2025, me përkushtimin e tij për të sjellë përmirësime për jetën e qytetarëve dhe zhvillimin e qëndrueshëm të Kosovës.

Ai ka falënderuar kryetarin e AAK-së, Ramush Haradinaj për besimin dhe mbështetjen e dhënë teksa një falënderim i veçantë ka pasur edhe për degën e AAK-së në Pejë që të ndërmarrë këtë hap të rëndësishëm.

“Si kandidat për deputet, synimi im është të përfaqësoj me dinjitet zërin e qytetarëve tanë dhe të punoj për zgjidhje të prekshme dhe të qëndrueshme.  Prioritetet e mia përfshijnë zhvillimin ekonomik, përfaqësimin e prodhuesve vendor, gjithashtu duke ju siguruar që gjatë mandatit tim fokus do ta kem edhe mbështetjen e rinisë, pasi e ardhmja e Kosovës qëndron tek ata. Me besim dhe përkushtim, kërkoj mbështetjen tuaj për të ndërtuar së bashku një të ardhme më të mirë dhe më të drejtë për Kosovën”, ka shkruar Kelmendi në Facebook.

• 

• 

•