Liverpool ka shënuar fitore të vështirë sonte ndaj Leicester City në xhiron e 18-të të Premier ligës angleze në futboll dhe ka shtatë pikë më shumë se Chelsea, i cili pësoi në terrenin vendës.

Skuadra Liverpool u trondit në fillim të ndeshjes kur Jordan Ayew solli Leicester City në epërsi në minutën e 6-të.

Në minutën e parë shtesë të pjesës së parë, holandezi Cody Gapko barazoi shifrat për Liverpool - 1:1.

Katër minuta pas fillimit të pjesës së dytë, Liverpool erdhi në avantazhin e parë në ndeshje me golin e Curtis Jones, pas asistimit të Alex Mac Allister.

Mohamed Salah shtatë minuta para përfundimit të ndeshjes vulosi fitoren e 13-të në këtë sezon për Liverpool, i cili kryeson në tabelë me 42 pikë. Chelsea renditet i dyti me 35. Leicester City ndodhet në zonën e rrezikshme - pozita 18 me 14 pikë.

Në ndeshjet e tjera të zhvilluara sot u arritën këto rezultate: Manchester City-Everton 1:1, Bournemouth-Crystal Palace 0:0, Chelsea-Fulham 1:2, Newcastle United- Aston Villa 3:0, Nottingham Forest- Tottenham Hotspur 1:0, Southampton- West Ham United 0:1 dhe Wolves-Manchester United 2:0.