Përfaqësuesit e mantelbardhëve, Federata Sindikale e Shëndetësisë së Kosovës në protestën e sotme para Kuvendit të Kosovës ka shprehur pakënaqësitë e tyre për ndërprerjen e dialogut social me Ministrinë e Shëndetësisë, mospajtimin me propozimin e qeverisë për një rritje të vogël të koeficientit prej 0.5, mosnënshkrimin e Kontratës Kolektive Sektoriale, si dhe injorimi i protestës nga ana e Ministrisë së Shëndetësisë ndaj kërkesave të FSSHK-së. Gjatë protestës, ministri i MSh-së, Arben Vitia ka takuar përfaqësuesit e kësaj sindikate.

Kryetarja e FSSHK-së, Tevide Imeri theksoi se kërkesat janë të arsyeshme dhe kërkoi të plotësohen nga institucionet përkatëse të vendit.

Ajo ka paralajmëruar se nëse nuk ka ndryshim do te vazhdojnë me protesta.