Anëtari i Bundestagut gjerman, Knut Abrahami ka reaguar të dërguarit të posaçëm i Shteteve të Bashkuara të Amerikës për Ballkanin Perëndimor, Gabriel Escobar, duke thënë se ata vlerësojmë shqetësimet e tij, por i ka siguruar atij se Asambleja Parlamentare e Këshillit të Evropës do të përcaktojë në mënyrë të pavarur kriteret e anëtarësimit për Kosovën dhe Këshilli i Evropës do të vlerësojë përmbushjen e tyre.

Ai ka shkruar në SHBA nuk do t'i plotësonte këto kritere për shkak të dënimit me vdekje.

“Tani, janë dy kushte të tjera që i kishte përmendur Këshilli i Evropës dhe që po i kërkojnë disa vende evropiane. Njëri është... [ka të bëjë] me disa veprime për shpronësimet që po bëhen në veri. Dhe, tjetri është Asociacioni”, ka theksuar Escobar.

Escobar më herët ka mirëpritur urdhrin që Qeveria e Kosovës i ka dhënë Agjencisë Kadastrale, për ekzekutim të vendimit të Gjykatës Kushtetuese, sipas të cilit 24 hektarë tokë duhet t’i barten Manastirit të Deçanit. Këtë urdhër Qeveria e ka dhënë në mbledhjen e mbajtur të mërkurën. Kryeministri Albin Kurti ka thënë se këtë vendim e ka marrë për ta hequr si kusht për pranimin e Kosovës në Këshill të Evropës.