Asambleja e 30-të e Përgjithshme e Asociacionit të Agjencive Ballkanike të Lajmeve dhe të Evropës Juglindore (ABNA-SE) e organizuar nga Agjencia Bullgare e Lajmeve (BTA) që po mbahet në qytetin e Burgasit të Bullgarisë solli edhe vendimet e para.

Të gjitha agjencitë anëtare miratuan statutin e ri që rregullon çështjet e organizimit, ndërsa ABNA-SE edhe zyrtarisht është regjistruar me status juridik me seli në Sofje të Bullgarisë, duke ndjekur kështu shembullin e Asociacionit të Agjencive të Lajmeve të Evropës (EANA).

President i ri i ABNA-SE është zgjedhur Aimilios Perdikaris nga agjencia e lajmeve greke ANA-MPA. Me statusin e ri, president i ri zgjidhet vendi mikpritës i asamblesë së ardhshme. Kështu, Greqia do të organizojë Asamblenë e 31-të të ABNA-Se që do të mbahet vitin e ardhshëm. Kujtojmë se për një vit presidenca i kishte takuar agjencisë së lajmeve KosovaPress.

Sekretar gjeneral është zgjedhur Kiril Valchev, drejtor gjeneral i agjencisë bullgare të lajmeve BTA. Pjesë e bordit të ABNA-SE u zgjodhën Skënder Krasniqi nga KosovaPress (Kosovë), Aimilios Perdikaris ANA-MPA (Greqi) dhe Serdar Karagöz  Anadolu Agency (Turqi).

Njëherësh, Turqia hodhi kandidaturën për organizimin e Asamblesë së 32-të të ABNA-SE në vitin 2024.

Në këtë Asamble u vendos që në këtë Asociacion përfaqësues nga Bosnje dhe Hercegovina të jetë vetëm një anëtar, pasi me statutin e ri një vend duhet të ketë vetëm një agjenci lajmesh.

Deri më tani pjesë e ABNA-SE kanë qenë dy agjenci lajmesh nga Bosnja, FENA News dhe agjencia e lajmeve nga Republika Serbe, Srna.

Pas hapjes së diskutimeve dhe argumenteve të të dy agjencive, si dhe fjalës së të gjitha agjencive të tjera u përcaktua vetëm për njërën.

Kështu, FENA News do të jetë agjencia e vetme nga Bosnja që do të jetë pjesë e ABNA-SE, ndërsa Srna u përjashtua.

Të gjitha këto me votë unanime të të gjitha vendeve anëtare të ABNA-SE. Pjesë e ABNA-SE përpos KosovaPress-it që përfaqëson Kosovën, do të jenë edhe Agjencia Telegrafike Shqiptare (Shqipëri), BTA (Bullgari), HINA (Kroaci), ANA-MPA (Greqi), FENA (Bosnje), CNA (Qipro), MIA (Maqedoni e Veriut), Anadoly Agency (Turqi) AgerPress (Rumani) dhe MINA (Mali i Zi).

https://kosovapress.com/admin/%e2%80%8bregjistrimi-i-abna-se-krasniqi-do-te-rritet-bashkepunimi-dhe-projektet-perbashketa/

https://kosovapress.com/admin/%e2%80%8bse-bashku-per-lajmet-e-verteta-agjencite-e-lajmeve-mblidhen-ne-burgas-te-bullgarise/

• 

• 

• 

• 

• 

• 

https://kosovapress.com/admin/asambleja-e-abna-se-perjashtohet-agjencia-e-republikes-serbe-te-bosnjes/