Asociacioni i Agjencisë Ballkanike të Lajmeve-Evropa Juglindore (ABNA-SE), ka përditësuar të mërkurën faqen e saj të internetit ku publikohet çdo ditë nga një lajm i secilit nga 12 anëtarët e ABNA-SE. Anëtarët e Asociacionit përfshijnë Agjencinë e Lajmeve të Kosovës (KOSOVAPRESS), Agjencinë Telegrafike Shqiptare (ATA), Agjencinë Federale të Lajmeve të Bosnjë-Hercegovinës (FENA), Agjencinë Bullgare të Lajmeve (BTA), Agjencinë e Lajmeve të Athinës-Agjencinë e Shtypit të Maqedonisë S.A. (ANA-MPA), Agjencinë e Pavarur të Lajmeve të Malit të Zi (MINA), ‘Agenzia Nazionale Stampa Associata’ e Italisë (ANSA), Agjencinë e Lajmeve të Qipros (CNA), Agjencinë Kombëtare Rumune të Lajmeve (AGERPRES), Agjencinë e Informacionit për Media të Maqedonisë së Veriut (MIA), Agjencinë Anadolu të Turqisë (AA) dhe Agjencinë Kroate të Lajmeve (HINA).
Asambleja e Përgjithshme dhe Konferenca e 29-të e Aleancës së Agjencive të Lajmeve të Ballkanit-Evropës Juglindore (ABNA-SE) ishte mbajtur më 2021 në Prishtinë, organizuar nga Agjencia e Lajmeve KosovaPress.
