Kryetari i Lidhjes Demokratike të Kosovës, Lumir Abdixhiku me bashkëpunëtorë dhe familjarë bëri sot homazhe te varri i profesor Fehmi Aganit në Prishtinë, në 24 vjetorin e vrasjes së tij.

Abdixhiku deklaroi se profesor Agani ishte bartës, ideator dhe njëkohësisht udhëheqës i lëvizjes për liri, pavarësi e demokraci.

Ai u shpreh se vrasja e Fehmi Aganit ishte hakmarrje dhe dëmtim i së ardhmes së Kosovës.

“24 vite më pas e kujtojmë veprën e tij dhe shenjën hakmarrëse ndaj lëvizjes për liri, pavarësi, demokraci me vrasjen e profesor Aganit. Pra, vrasja e tij përveç që ishte hakmarrje e gjithë lëvizjes në vend, ishte edhe dëmtim i së ardhmes së Kosovës, e cila padyshim se me profesor Aganin do të ishte shumë më ndryshe, shumë më e pasur dhe shumë më përparimtare.”, tha ai.

Abdixhiku potencoi se Agani mbetet një nga ideatorët më të mëdhenj të vendit.

Ndërsa, djali i Fehmi Aganit, Mentor Agani për ditën e sotme tha që është ditë e dhimbjes, por edhe e krenarisë.

https://kosovapress.com/admin/osmani-sjellja-e-vrasesve-te-aganit-para-drejtesise-perkushtim-i-yni-i-vazhdueshem/

Sot, bëhen 24 vjet nga vrasja e nënkryetarit shumëvjeçar të LDK-së dhe deputetit të Kuvendit të Republikës së Kosovës, Fehmi Aganit.

Agani është vrarë me 6 maj të vitit 1999, nga forcat pushtuese serbe.

https://kosovapress.com/admin/24-vjet-nga-vrasja-e-fehmi-aganit/

Figura e Aganit ka lënë gjurmë të pashlyeshme në historinë e pavarësisë së Kosovës, fushën e arsimit dhe mendimit shkencor. Fehmi Agani ka qenë njëri nga themeluesit dhe udhëheqësit e Lidhjes Demokratike./KosovaPress