Kryetari i Lidhjes Demokratike të Kosovës, Lumir Abdixhiku, ka bërë të ditur se ka vizituar qytetin e Suharekës dhe fshatrat Sopijë e Budakovë.

Në një postim në Facebook, Abdixhiku ka thënë se tek familjarët e kryefamiljarët ka shtruar pikëpamjet e LDK-së mbi situatën në vend.

“LDK ka një program të djathtë që u përgjigjet çështjeve të dekadës. Që e bën të ardhmen, kujdeset për familjen e rindërton aleancat. Rizgjimi popullor i djathtë dhe Lidhja shkojnë bashkë.

Pritja e deritanishme në çdo fshat, qytet e anë, është shpresë për vetëdijen e lartë të popullit të Kosovës për të përballuar popullizmin si rrezik identitar!”, ka përfunduar i pari i Lidhjes Demokratike.