A do të jetë qyteti i vendlindjes së Zelensky-t caku i ardhshëm rus?
Analisti i mbrojtjes Alex Walmsley thotë se aktualisht janë tre pika të nxehta të pushtimit rus.
Fokusi i parë është në avancimin drejt perëndimit, Moldavisë dhe rajonit të saj separatist të Transnistrisë, ku presidenti rus Vladimir Putin dëshiron të "shkaktojë telashe dhe destabilitet".
Fokusi është gjithashtu në Mariupol, një qytet port i rrethuar që ende i reziston sulmeve dhe nuk ka rënë plotësisht në duart e Rusisë pavarësisht bombardimeve të vazhdueshme.
Walmsley thekson se në Mariupol është bastioni i fundit i ishullit ukrainas në fabrikën e çelikut Azovstal.
Nëse Putini e merr atë, Walmsley thotë se ai "do të jetë në gjendje të thotë se i gjithë korridori jugor është në duart e Rusisë".
Fokusi i tretë është në avancimin drejt qytetit të Kryvyi Rih, një qytet që mund të jetë objektivi i radhës i forcave ruse.
Walmsley thekson se megjithëse mund të duket "pa rëndësi strategjike, është shumë simbolike pasi ajo është vendlindja e presidentit ukrainas Volodymyr Zelensky".
“Putini dëshiron të tregojë rezultate sepse padyshim që operacioni special në Ukrainë duhet të kishte zgjatur vetëm disa ditë, dhe ja ku jemi në muajin e tretë”, tha Walmsley për Sky News.
