Mbi 30 anije luftarake të Flotës së Detit të Zi kanë nisur stërvitjet pranë gadishullit të Krimesë, si pjesë e stërvitjeve detare, njoftoi sot agjencia e lajmeve RIA, në një kohë kur  shtetet perëndimore paralajmërojnë se lufta midis Ukrainës dhe Rusisë  mund të shpërthejë nga momenti në moment.

Lëvizjet ushtarake të Rusisë po monitorohen nga afër pasi përqendrimi i trupave ushtarakë  pranë Ukrainës ka ngjallur shqetësime në Perëndim, se Kremlini  po planifikon një pushtim të Ukrainës, me moskën që mohon çdo pretendim për një luftë të mundshme.

Muajin e kaluar, Rusia njoftoi se marina e saj do të zhvillonte stërvitje  në shkurt dhe muajin e ardhshëm me pjesëmarrjen e të gjitha flotës së saj nga Paqësori në Atlantik.