Aleanca për Ardhmërinë e Kosovës (AAK) sot ka shënuar përvjetorin e 24-të të themelimit të saj si parti. Kryetari Ramush Haradinaj në fjalën e tij para të pranishmëve, ka thënë se AAK është themeluar në momente vendimtare për vendin. "Aleanca është krijuar në momente vendimtare për vendin. Në kohën kur sapo kishim dalë nga një luftë shkatërrimtare dhe kur kërkohej kontributi i secilit prej nesh, jo vetëm për ndërtimin e vendit, por edhe për shërimin e plagëve të kësaj lufte, e për paqëtimin e shoqërisë që në vitet e para të pasluftës, ishin mundu me e nda në dysh; në NE që na quanin “krahu i luftës” dhe në ata që i quanin “krahun e rezistencës paqësore", ka shkruar Haradinaj në Facebook.