Sot bëhen 16 muaj nga dita kur është zhdukur biznesmeni Bedri Rexhepi, por familja akoma nuk ka një përgjigje për fatin e tij. Informacionet të cilat deri tani kanë familjarët janë se Bedri Rexhepi më datën 8 prill 2021 është parë në Novobërdë dhe nga aty më asgjë nuk dihet për të.

Lidhur me këtë rast është arrestuar Arjeta Rukovci, mbesa e të dyshuarit Jeton Vllasaliu.

Gjykata Themelore në Prishtinë ka vendosur për caktimin e masës së paraburgimit kundër të pandehurës Arjeta Rukovci, për shkak të dyshimit të bazuar se ka kryer veprën penale “Ndihmë” në kryerjen e veprës penale “Rrëmbimi”, pikërisht që lidhet me rastin e Bedri Rexhepit.

Gjyqtarja e procedurës paraprake kërkesën e prokurorit të shtetit për caktimin e masës së paraburgimit kundër të pandehurës e pati aprovuar si të bazuar dhe të njëjtës i kishte caktuar masën e paraburgimit në kohëzgjatje prej një muaji të cilën është duke e vuajtur aktualisht.

Familjarët jo pak herë janë shprehur të dëshpëruar në institucione pasi kërkojnë përgjigje për fatin e familjarit të tyre.

KosovaPress në vazhdimësi ka shkruar në lidhje me zhdukjen e biznesmenit Bedri Rexhepi.

https://kosovapress.com/admin/%e2%80%8bzhdukja-e-biznesmenit-bedri-rexhepi-vellai-15-muaj-pa-pergjigje/

https://kosovapress.com/admin/%e2%80%8bgjykata-le-ne-burg-te-dyshuaren-ne-rastin-e-zhdukjes-se-bedri-rexhepit/

https://kosovapress.com/admin/%e2%80%8barrestohet-nje-tjeter-person-per-rastin-e-biznesmenit-bedri-rexhepi/

https://kosovapress.com/admin/nje-vit-nga-zhdukja-e-bedri-rexhepit-nuk-dihet-asgje-per-fatin-e-tij/

https://kosovapress.com/admin/%e2%80%8b9-muaj-nga-zhdukja-e-bedri-rexhepit-familjaret-te-pakenaqur-me-prokurorine/