Të paktën 10 persona kanë humbur jetën dhe shumë të tjerë janë lënduar në incidentet e shkaktuara nga reshjet e dendura të shoqëruara me stuhi breshëri që goditën Pakistanin veriperëndimor gjatë dy ditëve të fundit, thanë zyrtarët të dielën. Viktimat, duke përfshirë fëmijë dhe gra, u raportuan në provincën Khyber Pakhtunkhwa, e cila po përjeton shira të dendur që nga e premtja, u tha gazetarëve Anwar Shahzad, një zëdhënës i Autoritetit Provincial të Menaxhimit të Fatkeqësive.

Midis viktimave ishin tetë fëmijë dhe dy gra që humbën jetën në disa incidente të lidhura me shiun në të gjithë krahinën, kryesisht me çati dhe mure të shembura. Disa shtëpi u dëmtuan gjithashtu, ndërsa pjesë të ndryshme të autostradës Karakoram, që lidh Pakistanin me Kinën fqinje, u bllokuan për shkak të reshjeve të dendura. Autoritetet kanë lëshuar këshilla duke u bërë thirrje banorëve të tregohen të kujdesshëm kur udhëtojnë, veçanërisht në zonat që kanë marrë reshje të dendura shiu dhe bore. /AA