Kryetari i Federatës së Futbollit të Kosovës, Agim Ademi, ka shfrytëzuar të drejtën e votës në zgjedhjet e sotme, duke theksuar rëndësinë e pjesëmarrjes së qytetarëve në procesin zgjedhor.

Pas votimit, Ademi deklaroi se megjithëse ka angazhime pune gjatë ditës për shkak se Kosova luan ndeshje miqësore sonte me Andorran,, votimi mbetet obligimi kryesor i çdo qytetari. Ai shprehu besimin se këto zgjedhje do të sjellin siguri dhe stabilitet institucional në vend.

“Në fakt, punë kemi sot, por është obligimi qendror, ose obligimi kryesor i çdo qytetari sot për të votuar. Mendoj që këto zgjedhje uroj dhe mendoj që do të sjellin siguri. E sigurisht që siguria e një pushteti institucional besoj që jep edhe të mirat e saj edhe në jetën e përditshme, në ekonomi, sport dhe në të gjitha aspektet”, theksoi Ademi.