Tabaku: Kemi qenë përherë të zënë për të vepruar për Kosovën
Lajme
Lexohet për: 2 min.
8 muaj më parë
Linku u kopjua
Deputetja e Partisë Demokratike në Shqipëri, Jorida Tabaku tha se sulmi i 24 shtatorit në Banjskë të Zveçanit kishte qëllim cenueshmërinë e institucioneve dhe pavarësisë së Kosovës. Në seancën plenare, ajo shtoi se rajoni meriton paqen e jo rikthimin e fantazmave të një të shkuare të turpshme.
Deputetja e PD-së, Jorida Tabaku tha se ngjarja e 24 shtatorit është paralajmërim për të ardhmen e rajonit.
Më tej, Tabaku shtoi se Shqipëria nuk duhet të kërkojë nga institucionet e Kosovës largimin e nga veriu, por e kundërta.
“Ne kemi dështuar në këtë pikë, e ministri dështoi këtu përsëri duke e quajtur Kosovën çështje të politikës së jashtme. Ne kemi dështuar pasi kemi folur të gjithë me shumë dashuri për Kosovën, e kur vjen puna për të vepruar në interesin e saj përherë kemi qenë të zënë ta bëjmë atë çfarë thotë partia, e jo atë që thotë interesi jonë kombëtar”, shtoi ajo.
Kuvendi i Shqipërisë po mban interpelancë me kryeministrin Edi Rama, të ftuar nga deputeti demokrat Kreshnik Çollaku.
Interpelanca është ftuar me arsyetimin “dhënien e informacioneve dhe shpjegimeve lidhur me qëndrimin zyrtar të Qeverisë së Shqipërisë, hapat që parashikohen të ndërmerren dhe qëndrimet në raport me zhvillimet e pritshme në marrëdhëniet ndërshtetërore në Ballkan”. /KosovaPress/