FBK nis projektin për ambient të sigurt në sportin e basketbollit
Sport
Lexohet për: 2 min.
5 muaj më parë
Linku u kopjua
Federata e Basketbollit e Kosovës (FBK) në bashkëpunim me Federatën e Basketbollit të Estonisë, Federatën e Basketbollit të Bullgarisë dhe Shoqatën e Trajnerëve të Basketbollit të Kosovës janë fituese të projektit Safeguarding the Future në kuadër të Erasmus+.
”Safeguarding the Future” është një projekt që synon të krijojë mekanizma në Kosovë, Estoni dhe Bullgari që sigurojnë një përvojë basketbolli të sigurt, pozitive dhe argëtuese për të gjithë njerëzit e përfshirë në basketboll, me theks të veçantë te fëmijët dhe të rinjtë. Qëllimi kryesor i projektit është të ndërmarrë veprime për të mbrojtur njerëzit nga çdo lloj abuzimi në basketboll.
I pari i Federatës së Basketbollit, Arben Fetahu tha se ky program synon që të sigurojë ambient të qetë për basketbollistët e rinj.
Ndërsa, Sekretarja e Përgjithshem e FBK-së, Elvira Dushku shpjegoi se si ky projekt do të implementohet duke kaluar nëpër katër faza.
Përfshirjen e FBK-së në këtë projekt e vlerësoi lart edhe presidenti i Komitetit Olimpik të Kosovës, Ismet Krasniqi. Ai tha se ky program ndërlidhet me krijimin e kushteve për një mjedis sa më të sigurt në sport.