Mesfushori, Blerton Isufi, ka vendosur të ndryshojë rrugën e tij në arenën ndërkombëtare, duke hequr dorë nga përfaqësimi i Kosovës për t’iu bashkuar Kombëtares së Shqipërisë U21. Futbollisti i ri, ka marrë ftesë nga trajneri Alban Bushi për t’u bërë pjesë e kuqezinjve.

Vendimi i Isufit vjen në një moment të rëndësishëm për karrierën e tij, ndërsa ai synon të fitojë hapësira dhe të zhvillohet më tej në nivel ndërkombëtar. Kalimi te Shqipëria U21 shihet si një hap i ri për lojtarin, i cili tashmë do të ketë mundësinë të dëshmojë vlerat e tij në një ambient tjetër konkurrues.

Për Isufin tashmë është e qartë e ardhmja e tij ndërkombëtare do të jetë me fanellën kuq e zi, duke filluar nga ndeshjet e muajit qershor.