Zvicra dhe Kanadaja kanë shkuar në pushimin mes pjesëve me rezultat 0-0 në ndeshjen e Grupit të Kupës së Botës 2026.

Zvicra ka qenë skuadra më aktive në sulm, duke krijuar rastet më të mira për gol. Johan Manzambi ishte pranë realizimit në dy raste, ndërsa Ruben Vargas u ndal nga një pritje spektakolare e portierit kanadez Maxime Crépeau në minutën e 33-të.

Në anën tjetër, edhe Kanadaja rrezikoi seriozisht. Cyle Larin testoi Gregor Kobelin në minutën e 33-të, ndërsa Ali Ahmed u ndal nga gardiani zviceran tetë minuta më vonë.

Kapiteni Granit Xhaka ishte në qendër të vëmendjes në minutën e 32-të, kur u ndëshkua me karton të verdhë pas një përplasjeje me sulmuesin kanadez Cyle Larin, i cili gjithashtu u ndëshkua nga gjyqtari Ramon Abatti.

Gjithçka mbetet e hapur për 45 minutat e dyta, në një duel me rëndësi të madhe për ecurinë e të dy kombëtareve në Botëror.

Ndërkohë, Bosnja dhe Hercegovina po fiton 2-1 ndaj Katarit pas pjesës së parë. Kerim Alajbegovic shënoi një gol të bukur për 1-0, ndërsa avantazhi u dyfishua pas një autogoli të Sultan Al Brake. Katari u rikthye në lojë me golin e Hasan Al Haydos në minutën e 42-të.

KosovaPress