Komisioni Shtetëror Zgjedhor i Maqedonisë së Veriut ka numëruar mbi 77 për qind të votave së sotme për raundin e parë të zgjedhjeve presidenciale. Momentalisht prin kandidatja e VMRO-DPMNE, Gordana Siljanoska me 39.64 për qind, pasuar nga kandidati i LSDM-së Stevo Pendarovski me 19.32. Bujar Osmani nga Fronti Evropian ka 14.38 për qind, Arben Taravari nga VLEN  10.20 për qind, Maksim Dimitrievski, kryetari i Kumanovës 8.47, Biljana Vankovska Cvetkovska “E Majta” 4.39 dhe Stevco Jakimovski, kryetari i Karposhi Shkup me 0.78 për qind. Qytetarët e Maqedonisë së Veriut sot kanë votuar për presidentin e tyre të ardhshëm. Këto janë zgjedhjet e shtatë presidenciale, ndërsa raundi i dytë i mundshëm mbahet së bashku me zgjedhjet parlamentare më 8 maj. Numri i përgjithshëm i votuesve të regjistruar në listën zgjedhore është 1.814.317. Sipas të dhënave të Këshillit Shtetëror Zgjedhor të orës 18:30, në raundin e parë të zgjedhjeve presidenciale ka votuar 48.46 për qind e qytetarëve me të drejtë vote.