Kuç: U lidha me Kombëtaren e Kosovës, por Gliha i dha fund gjithçkaje
Sport
Lexohet për: 2 min.
3 javë më parë
Linku u kopjua
Edvin Kuç i ka dhënë fund karrierës së tij gjashtë vjeçare me Ballkanin, skuadër me të cilin ai fitoi tre tituj kampioni dhe Kupën e Kosovës gjatë qëndrimit të tij në klubin nga Suhareka.
Përkundër një lamtumire të dhimbshme, Kuç është shprehur shumë i lumtur me ecurinë e këtij sezoni, ku skuadra rrëmbeu dy trofetë më të rëndësishëm në futbollin kosovar.
Duke folur për KosovaPress, Kuç ka bërë të ditur se lajmin për largimin e tij, skuadrës ia bëri të ditur vetëm para ndeshjes finale të Kupës së Kosovës.
Madje ai zbuloi edhe bisedën që pati me trajnerin Ilir Daja dhe reagimin e trajnerit shqiptar.
Kuç ka vendosur që karrierën ta vazhdojë tek skuadre Neftchi Bahku në Azerbajxhan, derisa theksoi se nuk e ka pasur opsion asnjë nga skuadrat tjera të Superligës së Kosovës.
Për herë ta parë, reprezentuesi malazez ka folur për deklaratën e ish-trajnerit të Kosovës, Primzo Gliha i cili kishte thënë se Kuç nuk mund të luajë për Kosovën pasi i ka ikur mosha.
Në fund, Kuç u shpreh i bindur se Ballkani do të vazhdojë ta dominojë futbollin kosovar, derisa falënderoi përzemërsisht të gjithë klubin dhe tifozët për mbështetjen e madhe të dhënë ndaj tij gjatë gjithë këtyre viteve.