Në prag të një ndeshje shumë të rëndësishme si ajo e sotmja kundër Dinamo Zagrebit në Ligën e Konferencës, ekipi i Ballkani është pritur nga presidenti i Federatës së Futbollit të Kosovës, Agim Ademi.
Me këtë rast, ekipi suharekas është nderuar me mirënjohje për arritje historike në vitet e fundit.Ky është postimi i plotë i Ballkanit në Facebook.
Me ftesë të kryetarit të Federatës së Futbollit të Kosovës, në ambientet e FFK-së, jemi pritur dhe nderuar me mirënjohje, për të arriturat tona historike në këto dy vitet e fundit.Falenderojmë presidentin Agim Ademi për respektin ndaj kampionit të Kosovës, i cili me falenderime për punën tonë që kemi bërë dhe po vazhdojmë ta bëjmë, edhe njëherë e ritheksoi arritjen e madhe të FC Ballkanit, duke kujtuar se vetëm për pak kohë, kampioni i dyfishtë i Republikës, ka arritur të rreshtohet në mesin e skuadrave të atyre shteteve, federatat e të cilëve tash e 100 vjet janë anëtare të UEFA-së dhe FIFA-së.
Presidenti i klubit, Arsim Kabashi, ka falenderuar kreun e FFK-së për mirënjohjet e ndara dhe për gjithë punën që ai dhe Federata po e bëjnë për futbollin e Kosovës.