Trajneri i Barcelonës, Xavi Hernandez e ka konfirmuar se ka paditur dy gazetarë.

Sipas “Marcas”, Xavi ka paditur gazetarët Manuel Jabois dhe Javier Miguel, për shkak se dyshja ka shpërndarë lajme të rreme për të gjatë javëve të fundit, raporton KosovaPress.

“Po, është e vërtetë dhe kjo nuk më ka ndodhur kurrë mua. E kuptoj kritikën por unë nuk toleroj gënjeshtrat apo shpikjen e sendeve. Pas disa gënjeshtrave tejet të mëdha ka ardhur koha për të thënë mjaft është mjaft”, tha Xavi.

Vendimi i Xavit për të ndjekur rrugën ligjore nënvizon angazhimin e tij për të luftuar lajmet e rreme dhe për të mbrojtur reputacionin e tij kundër akuzave të pabaza. Barcelona ka konfirmuar mbështetjen e saj për veprimin ligjor të Xavit.