Vuçiq me akuza për veriun paralajmëron masa serioze brenda 72 orëve
Lexohet për: 2 min.
vuciqq-260624
5 muaj më parë
Linku u kopjua

Presidenti i Serbisë, Aleksandar Vuçiq ka deklaruar se do t’i prezantojë kërkesat e Serbisë, për shkak të siç pretendon ai sulmeve ndaj popullsisë serbe në veri të Kosovës.

Ai ka thënë se në 72 orët e ardhshme do t’i adresohet publikut për “ato që bashkësia ndërkombëtare nuk i ka përmbushur”.

Vuçiq i bëri këto komente pasi është takuar me të dërguarin e Bashkimit Evropian për dialogun Kosovë-Serbi, Miroslav Lajçak dhe ambasadorin amerikan në Beograd, Christopher Hill.

Vuçiq ka akuzuar kryeministrin e Kosovës, Albin Kurti për vendimet siç i ka quajtur ai të paligjshme në veri, por gjithashtu ka akuzuar edhe bashkësinë ndërkombëtare që bëjnë deklarata kundër veprimeve të Qeverisë së Kosovës në veri por nuk ndërmarrin asnjë veprim tjetër.

“Prandaj me masa serioze dhe çështje të rënda, ne do t'iu kontaktojmë brenda 72 orëve, çdo gjë tjetër për sa i përket takimeve dypalëshe për marrëdhëniet me Shtetet e Bashkuara po shkojnë në një drejtim shumë të mirë, dhe sa i përket vetë dialogut, Serbia është çdoherë për dialog. Unë jam i gatshëm që edhe sot të shkoj të bisedoj me Kurtin, të kem dialog në Bruksel, por Serbia nuk është e gatshme dhe kam thënë shumë herë, unë nuk do të lejoj përndjekje dhe persekutim të popullatës time, dhe se është shumë e qartë se ky është bërë qëllimi i vetëm i Albin Kurtit”, tha ai.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025