Gjykata Themelore në Prishtinë ia ka caktuar masën e paraburgimit prej 30 ditësh të pandehurit me inicialet N.LL, i dyshuar për vrasjen një muaj më parë në “Bon Vivant”, në kryeqytet.

I dyshuari është ndaluar për shkak të dyshimit të bazuar se ka kryer veprën penale “Dhënia e ndihmës kryerësve pas kryerjes se veprës penale”.

Gjyqtari i procedurës paraprake e ka aprovuar si të bazuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit N.LL dhe të njëjtit i ka caktuar masën e paraburgimit në kohëzgjatje prej 1 (një) muaji, masa e paraburgimit  është caktuar  në harmoni me nenin 184 paragrafi 1 nënparagrafi 1.1 dhe 1.2, pika 1.2.1, dhe 1.2.3 të KPPK-së, për shkak të dyshimit të bazuar se i njëjti ka kryer veprën penale Dhënia e ndihmës kryerësve pas kryerjes se veprës penale”, thuhet në njoftimin e Gjykatës.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës  Themelore në Prishtinë.

https://kosovapress.com/admin/pamjet-si-ndodhi-ngjarja-e-rende-ne-bon-vivant-video/

https://kosovapress.com/admin/bon-vivant-reagon-pas-vdekjes-se-personit-qe-u-plagos-ne-lokal-ni-fushate-kunder-dhunes/

https://kosovapress.com/admin/rasti-ne-bon-vivant-syla-17-persona-u-pranuan-ne-qkuk-njeri-sarriti-te-mbijetoje/

https://kosovapress.com/admin/vdiq-njeri-nga-te-plagosurit-ne-bon-vivant/